Tannlausa Tinna og Benjamín stubbur

Jæja, þá er komið að fréttum af fjölskyldunni í Suðurvangi. Í dag missti Tinna Sól tönn og sú var lukkuleg með það. Við ætluðum bara ekki að ná henni úr speglinum! Tinnu gengur vel í skólanum, stelpan er bara virkilega dugleg að læra. Gaman af því. Svo mætir Tinna þrisvar sinnum í viku á æfingar hjá FH, spurning hvort að hún sé verðandi fótboltastjarna? Reyndar vill Tinna prófa skvass núna en pabbi hennar hefur aðeins verið að fikta í því á síðustu mánuðum. Skvassstjarna hljómar líka vel :)

Það koma alltaf fleiri og fleiri orð frá þessum gaur, eiginlega nýtt orð á hverjum degi. Þau vinsælustu um þessar mundir eru: Bíbí, babú, ís, opna, allt búið og hoppa. Svo er hann byrjaður að horfa aðeins á sjónvarpið en hann hefur ekki viljað sjá það hingað til. Það versta við þetta er að hann elskar Stubbana, úfff. Ég var alveg búinn að gleyma hversu "skemmtilegir" þessir blessuðu Stubbar eru. Benjamín elskar reyndar líka að skoða fugla á YouTube, reyndar er einn fugl í miklu uppáhaldi hjá honum (metið er að horfa á sama myndskeiðið 10 sinnum í röð). Lífið er yndislegt!

Endalaus gleði

Það er alltaf sama gleðin hér í Suðurvangi. Benjamín stækkar og stækkar, hann er meira að segja byrjaður að reyna að nota kopp.

Hér sjást Benjamín og Tinna undirbúa pizzuveislu á heimilinu.

Tinna Sól er voðalega góð við litla bróðir. Benjamín kallar hana þó ennþá Nna! Vantar bara að bæta Ti fyrir framan og þá er þetta komið.

Auðvitað voru bæði börnin sett í þessa flottu búninga á Öskudaginn. Benjamín vildi vera fótboltastrákur en Tinna Sól ákvað að vera ein skvísan úr High School Musical.

2010

Já, það er nú bara þannig. Árið 2010 er mætt á svæðið. Hér í Suðurvangi gengur lífið sinn vanagang. Benjamín er byrjaður að tala mun meira, orð eins og takk, vatn, meira eru byrjuð að heyrast. Tinna Sól er núna búin að missa tvær tennur og fleiri eru lausar.

Gleðileg jól

Kæru vinir,

Gleðileg jól og farsælt komandi ár!

Takk fyrir frábærar stundir á árinu sem nú er að líða.

 Kær jólakveðja,

Þór, Hulda, Tinna Sól og Benjamín Bæring

Desember

Það er búið að vera mikið fjör hjá okkur síðustu daga. Fyrsti alvöru snjórinn lét loksins sjá sig á dögunum. Auðvitað fór fjölskyldan um leið út að leika. Tinna og Benjamín skemmtu sér konunglega í snjónum. Benjamín var samt smá stund að átta sig á þessu hvíta stöffi.

Það gerðust stórtíðindi hér á Suðurvangi á dögunum þegar Tinna Sól missti fyrstu tönnina. Sú var lukkuleg. Hún lét sko alla vita af þessu, líka starfsfólkið hjá N1 og hjá Samkaup. Algjört yndi.

Um síðustu helgi fórum við í bústað rétt hjá Bifröst. Það klikkar aldrei. Það var auðvitað borðaður góður matur og svo voru stelpurnar ansi duglegar að baka smákökur. Algjör draumur. Hérna sjást Tinna, Emma og Hafdís við snjókarlana sem þær bjuggu til í góða veðrinu.

Síðan verðum við nú að hafa eina mynd af þessum herramanni. Benjamín er ennþá frekar rólegur þegar kemur að því að tala en er samt ótrulega nærri því að geta sagt Tinna. Þau orð sem hann notar mest eru: Mamma, pabbi og bæ. Svo bendir hann alveg eins og það sé enginn morgundagurinn. Benjamín hefur verið ansi duglegur við það að meiða sig á síðustu vikum en hann lætur það ekkert á sig fá. Eitt sár á dag (eða marblettur) kemur skapinu í lag.

Fjölgun á Suðurvangi

Já, það var að fjölga í fjölskyldunni á Suðurvangi á dögunum. Tinna Sól fékk þennan fallega gullfisk sem hún ákvað að skíra Telmu Klöru. Tinna Sól er mjög sátt með þennan nýja herbergisfélaga en Benjamín hefur líka mjög gaman af Telmu þannig að það er mikil gleði yfir þessu öllu saman.

Tinna er ofsalega dugleg að leika við bróðir sinn. Hérna sést hún leika sér í tölvunni með honum. Þau kunna sko að brosa þessir krakkar.

Stuð í Stykkishólmi

Við skelltum okkur í Stykkishólm um síðustu helgi með vinafólki okkar. Eins og venjulega var virkilega huggulegt í Hólminum. Við fórum í gönguferðir, bíltúra og auðvitað í sund á hverjum degi. Hér sjást Hulda og Benjamín fyrir utan Skúlagötu 18. Það eru komnar inn nokkrar myndir frá Stykkishólmi.

Þessi gaur er byrjaður að hlaupa út um allt. Hann er sömuleiðis mjög ákveðinn og veit alveg hvað hann vill. Bara hressandi.

Tinna Sól elskar hreinlega að læra heima. Hér sést stelpan vera að æfa sig að skrifa. Svo er hún svakalega dugleg að lesa. Þegar við erum á ferðinni reynir hún að lesa á öll skilti og alla bíla. Bara skemmtilegt.

Það er svo gott að kúra

Hér sést Benjamín kúra hjá stóru systir. Svo sæt saman. Annars er bara allt gott að frétta. Tinna er á fullu í skólanum, er orðin ansi dugleg að lesa, skrifa og reikna. Benjamín er hættur að ganga og byrjaður að hlaupa.

Tinna fékk verðlaun á lokahófi FH

Í dag fór fram lokahóf yngri flokka í knattspyrnudeild FH í Kaplakrika. Við mættum að sjálfsögðu á svæðið enda Tinna Sól að æfa með 8. flokki.

Þetta var virkilega skemmtilegt, sérstaklega þar sem Tinna Sól fékk verðlaun fyrir mestu framfarirnar í 8. flokki kvenna. Nokkuð gott hjá stelpunni en hún byrjaði að æfa með FH í upphafi ársins.

Það vill svo skemmtilega til að ég náði þessu á myndband þegar Tinna Sól var kölluð upp á svið.

Áfram Ísland

Það var heldur betur fjör á leik Íslands og Eistlands núna áðan. Tinna og vinkonur hennar sungu út í eitt og skemmtu sér ofsalega vel. Ekki skemmdi fyrir að Ísland vann 12-0, sem er met. Þess má geta að þetta var í annað sinn sem Tinna Sól fer á kvennalandsleik í knattspyrnu. Hún fór líka á leik árið 2003, þá aðeins 6 vikna gömul, en þá var einnig slegið markamet. Þá sigraði Ísland lið Póllands 10-0. Skemmtileg tilviljun?